Sê NEE vir onteiening

SONDER VERGOEDING

en beskerm jou privaatreg

VF Plus se plan

1. Inligtingsessies: Landwye inligtingsessies om openbare deelname aan te moedig en te koördineer. Die proses van grondwetwysiging en die implikasies van onteiening sonder vergoeding sal met verskeie organisasies, sakekamers en landbouverenigings bespreek word.

Soveel as moontlik voorleggings deur die burgerlike samelewing en individue moet tydens die openbare deelname-proses ingedien word om beswaar teen die voorgestelde grondwetwysiging aan te teken.

Suid-Afrikaners moet daarvan bewus gemaak word dat die voorgestelde wysiging alle Suid-Afrikaners se eiendomsreg, wat nie slegs die eienaars van landbougrond raak nie,  sal wegneem en die ekonomie van Suid-Afrika sal vernietig.

2.       Vergadering met president:  Die VF Plus sal ʼn dringende ontmoeting met president Cyril Ramaphosa versoek en sal later ‘n griefskrif tesame met ‘n petisie aan hom oorhandig.

3.       Petisie: Die petisie sal deel vorm van die openbare deelname-proses. Die petisie word landwyd versprei en is ook aanlyn beskikbaar by:www.slaanterugsa.org.za.

4.       Optog: Beplan ‘n massabetoging vir Suid-Afrikaners om op te staan vir die beskerming van hul eiendomsreg.

5.       Internasionalisering: Aktiewe skakeling met die Europese parlement, regerings, die Verenigde Nasies (VN) en ook deur middel van die VF Plus se lidmaatskap aan UNPO. Die leier van die VF Plus sal op 21 Maart na Europa vertrek vir verskeie vergaderings in hierdie verband. Suid-Afrika is ‘n ondertekenaar van die VN se Verklaring oor Menseregte. Onteiening sonder vergoeding is ‘n oortreding van artikel 17 van hierdie verklaring.

6.       Onteieningsfonds: ‘n Trustfonds word gestig en die VF Plus sal aktiewe fondswerwing doen om op strategiese tye regsaksies te befonds met betrekking tot die grondwetwysigingsproses en om grondeienaars by te staan indien daar grondgrype plaasvind.

PETISIE TEEN ONTEIENING VAN ENIGE EIENDOM

Sonder Vergoeding

Nie net die onteiening van grond nie, maar ook die onteiening van enige eiendom in Suid-Afrika soos in ‘n mosie deur die Nasionale Vergadering aanvaar is, is ‘n ernstige bedreiging vir die demokratiese beginsels van Eiendomsreg.

Ek, die ondertekende, ondersteun nie die beplande wysiging aan Artikel 25 van die Grondwet nie, wat die staat in staat sal stel om beslag te lê op enige eiendom sonder vergoeding.

 

 

 

 

90029

Handtekeninge reeds ontvang

Deel gerus met jou vriende

Dankie vir u ondersteuning

Pin It on Pinterest

Share This